Aan die einde van die jaar gaan dit maar broekskeur met almal en verskeie organisasies reik na diegene uit.
Die AGS Hermanus hou op 7 Desember saam met SPAR Gateway ’n “trolley dash”. Volgens Johan van Loggerenberg gaan die netto opbrengs van die projek verdeel word tussen die kerk se sendingaksie (Wen) en sy eie welsynprojek, Hart tot Hart. Die Trolley Dash se kaartjies is reeds teen R20 per kaartjie beskikbaar en drie wenkaartjies gaan op 4 Desember getrek word. Die kompetisie vind op 7 Desember plaas. “Die drie wenners kry elkeen een minuut om met ’n trollie tussen SPAR se rakke rond te hardloop en sy/haar trollie vol kruideniersware te laai. Elke finalis mag ’n ‘hardloper’ gebruik,” verduidelik Van Loggerenberg. . Bel Van Loggerenberg by 082 544 3377 of Naomi by 084 664 4084 vir kaartjies.
