Food Lover’s Market, Suid-Afrika se grootste kleinhandelaar in private besit, het pas aangekondig dat hy ’n indrukwekkende vyf miljoen maaltye as deel van sy jaarlikse Honger Maand-veldtog ingesamel het.
Die veldtog is van 1 Mei tot 31 Mei in alle Food Lover’s Market-winkels landwyd gehou. Die veldtog is in sy agste jaar deel van Food Lover’s se verbintenis om “lewens te voed en te verryk” deur maaltye aan diegene in nood te verskaf deur sy netwerk vennote en langdurige samewerking met FoodForward SA.
Kopers is in Mei aangemoedig om ’n maaltyd vir net 47 sent by betaalpunte te koop. Vanjaar het die kleinhandelaar sy jaarlikse veldtog begin met meer as 2,9 miljoen maaltye wat reeds deur vrygewige bydraes van sleutelvennote ingesamel is. Die sleutelvennote is ondernemings soos Tru-Cape en FreshStop. Food Lover’s Market se winkels het ’n verdere indrukwekkende 1,7 miljoen maaltye ingesamel.
Op Wêreldhongerdag, wat op 28 Mei gehou is, het Food Lover’s Market ’n bykomende 244 050 maaltye bygedra deur alle skenkings wat deur verbruikers op hierdie dag gemaak is. Om alles te kroon, het Food Lover’s Market Holdings die finale 40 647 maaltye geskenk, wat die syfer op vyf miljoen maaltye gebring het.
“Ons rig ons hartlike dank aan almal wat aan die Hongermaand-veldtog deelgeneem het,” sê Terri Coppin-Harris, kommunikasiebestuurder van Food Lover’s Market. “Vanjaar se geldinsameling is uitstaande en het regtig die ongelooflike gees van die Food Lover’s Market-familie gewys aangesien spanne oor die land heen mekaar aktief uitgedaag het om geld vir gemeenskappe in nood in te samel.
“Ons wil ook hierdie geleentheid gebruik om ons vennote en ons ongelooflike kliënte te bedank – die gees van ‘Ubuntu” het regtig vanjaar deur die veldtog geleef, en ons is so dankbaar vir elke klant en kollega wat ’n maaltyd geskenk of bewustheid deur sosiale media verhoog het.”
Veldtogte soos Hongermaand is noodsaaklik in die stryd teen honger, en geld wat tydens Hongermaand ingesamel word, sal FoodForward SA help om surplus kos wat deur verskeie vennote geskenk is, te versprei.
“Hierdie veldtog is ’n voorbeeld van ons volgehoue verbintenis tot hongerverligting,” het Coppin-Harris gesê. “Deur saam met ons verskaffers en klante te werk, het ons aansienlik bygedra om diegene wat honger is, te help.”
“Buiten Hongermaand, streef ons aktief daarna om honger te beveg deur ons voortdurende vennootskap met FoodForward SA. Ons skenk ook weekliks surplus kos deur winkels wat aan begunstigde organisasies in die gemeenskappe wat ons dien, gekoppel is.”
Hierdie organisasies sluit volgens haar liefdadigheidsorganisasies en skole in wat kinders, gesinne, bejaardes en die haweloses ondersteun.
