Kommer hang swaar in die lug
Ons kan nie sommer daarvan vlug
Rampe kan ons nie vermy
Ons moet eenvoudig daarteen stry
Nederigheid moet ons toon
Asook ’n lewenswyse, veilig en skoon.
Verder ook ons samewerking gee
In alle opsigte – getrou en gedwee
Rowwe tye, kan ons dus verwag
Uiters gevaarlik met ’n dodelike slag
So dra elkeen van ons, sy eie vrag.
Soek jy elke dag daarna
Is jou voorraad op, en begin jy kla
Gou na die winkel, om dit te koop
As die kar nie werk, sal jy sommer loop
Rook se reuk, is in jou bloed
En net een trek, gee jou weer moed
Tevrede sit jy agteroor
Tot die lus, jou weereens toor
Ellende – want jy het verloor.
Die krane is nou toegedraai
Rum, wyn en whisky is in hul maai
Agtog mense, wees genadig asseblief
Net ’n bietjie wyn, maak my aktief
Kom nou! Anders word ek dalk ’n dief.
Maskers moet ons dra
Want almal kyk daarna.
Mense
Asseblief,
Sorg dat
Kontrole
Ernstige
Ramp
Stop!
