Randall Smith van Bredasdorp het onlangs vyf medaljes huis toe gebring nadat hy aan die Mpumalanga- baan- en veldkampioenskap in Secunda deelgeneem het. Randall het die Boland-meestersatletiekvereniging tydens die byeenkoms verteenwoordig, waar hy eerste plekke in die 200 m, 400 m, 800 m en 1 500 m verower het en ’n tweede plek in gewigstoot aangeteken het. Die Kaap Agulhas-burgemeester, Paul Swart, het hom met hierdie besonderse prestasie gelukgewens. Smit ploeg ook terug in die gemeenskap deur die plaaslike skool, Laerskool De Heide, se atlete te help. Foto: Gurswin Prins
