Dit was ’n besondere dag vir die inwoners van Baardskeerdersbos toe die NG kerkgebou sy 100ste bestaansjaar gevier het.
Die NG Baardskeerdersbos is deel van die gemeente van Gansbaai en hulle het almal saam behoorlik feesgevier om die mylpaal te gedenk.
Dié fees is aan die einde Mei gehou met ’n plaasmark, musiek, ’n veiling en ’n unieke uitstalling oor die kerk se geskiedenis. Die Sondag is ’n spesiale feesdiens gehou met kransleggings, kooruitvoerings en samesang. Dit was ’n naweek wat baie nog lank gaan onthou.
