Die Vrouelandbouvereniging van Kaapstad (VLVK) hou op 18 en 19 Augustus sy jaarkongres in Gansbaai. Die tema is “Die uitdaging van verandering”.
Dr. Ivan Meyer, die minister van landbou in die Wes-Kaap, wat ook die VLVK se Dankie-persoon van 2022 is, sal die kongres open. Ander sprekers wat op die temas van die VLVK se studierigtings sal fokus, is onder andere:. Wicus Pretorius, redakteur van TUIS (leefstyl);. Dr. Lishje Els (opvoeding en kultuur);. Prof. Chris Engelbrecht (openbare sake);. Dr. Irma Davel (kunste en handvlyt);. Tersia Joubert van SOILL (gesondheid);. Helena Atkinson van Pangolin Africa (landbou en tuinbou);. Magdie de Kock (Wêreldbondpresident);. Vanda Gagiano (komiteelid van die Wêreldbond-konferensiekomitee van 2023 in Maleisië).
’n Dinee word op die openingsaand met Charné Hugo as gaskunstenaar aangebied. ’n Prysuitdeling, waar dié wat uitgeblink het in leefstyl, kuns en handvlyt vereer word, is ook op die program. Een van die ander hoogtepunte – spesiaal vir die mans – is ’n walviskyk-toer en ’n besoek aan die pikkewyn- en seevoëlreservaat. . Kontak Estelle du Plessis by estelledp52@gmail.com of 083 950 4803.