Niks is darem lekkerder as om vir jou harde werk beloon te word nie.
Dit is veral die geval nadat die Covid-19-pandemie sport twee jaar lank gekortwiek het.
Dit is waarom Hermanus Times besluit het om weer ’n Sportster van die jaar-kompetisie vir leerders aan te bied. As jy weet van iemand wat presteer, benoem hom of haar dadelik. Dit hoef nie noodwendig die hoofstroom-sportsoorte te wees nie, maar ook minder bekende sportsoorte soos skaak, perdry of fietsry.
Benoemings met ’n kort motivering waarom iemand vir Hermanus Times se Sportster van die jaar-kompetisie benoem moet word, plus ’n foto, kan aan Mariëtte Strydom by editor@hermanustimes.co.za gestuur word. Of laai benoemings af by ons kantoor by Hoofstraat 34 (by die Birkenhead-gebou langs die NG kerk).